Maker Sara
Artesanía arte e confección
Website > Visitar
Viaxei por Indonesia, onde en pequenas comunidades as mulleres locais me ensinaron a tecer teas de maneira tradicional, nunha estrutura de madeira e de forma manual, ou a coller unha flor de algodón e aprender a fialo. Visitei Tailandia, onde tamén as persoas nativas me ensinaron a tinguir teas coa técnica de batik. A miña terceira parada foi na india, que sentín como a miña casa desde o momento en que aterricei.
Despois de case catro anos viaxando e considerando a idea, decidín comezar esta nova aventura. Aluguei un pequeno obradoiro na cidade de Pushkar (estado de Rajasthan) onde xa vivira varios meses e onde xa tiña amigos indios, de casta baixa, que para manter aos seus catro ou cinco fillos dedicábanse á venda de pulseiras de nocello e tatuaxes de henna no mercado.
Comezando de cero, as mulleres, entusiasmadas co proxecto, están aprendendo todo o proceso de elaboración moi rápido. A idea é crear prendas únicas feitas por e para mulleres, onde a exclusividade non entende de castas nin de razas. Prendas feitas con saris bordados a man, para resaltar a beleza e a forza únicas de cada muller.
