AWA é unha marca de produtos textís e accesorios de deseño que nace na pequena península do Grove no ano 2016. A idiosincrasia galega é o principal valor da marca, e por iso cada unha das ilustracións creadas de xeito dixital, está inspirada en elementos dos nosos montes, o noso mar e nas acertadas frases que durante décadas lles escoitamos ás nosas avoas, e inclúen mensaxes que son unha mestura de galego e inglés, entendendo o uso deste último, non como unha invasión, senón como un xeito de xerar curiosidade en aqueles que non utilizan o galego acotío e emocionar tamén a todos os migrados polo mundo.