Á hora de deseñar tento facer deseños que transmitan algo a quen os leva. A maioría das veces son pezas minimalistas e moi femininas, chegando ás veces tamén a ter un toque naíf. Xoias temporais cunha forte identidade. Podedes atopar dende formas xeométricas a formas orgánicas, todo dentro dun equilibrio. Sobre todo quero transmitir delicadeza, alegría e carisma, e que a xente que leve as niñas pezas se identifique con elas.

A cor ten un papel importante e aparece a través de técnicas clásicas como o esmalte, a mestura de distintos metais, as pedras naturais ou sintéticas ou mesmo a utilización de papel, entre outras. No caso das pedras naturais, tento que estas sexan sempre as protagonistas do deseño.

Á parte das coleccións que podedes atopar na miña páxina web tamén fago deseños  personalizados, como e o caso da colección Braille, na que cada anel ou colgante se personaliza, o que fai que sexa único e exclusivo.